【Hong Kong Citizen News 眾新聞】：《關你乜事？》
極權之下，最稀缺的不是麵包，是真話。
【Hong Kong Citizen News 眾新聞】：《關你乜事？》【關你乜事？】香港發生乜事？經濟、民生、政治；大事、瑣碎事，關你乜事？本單元由經濟學者、冠域商業及經濟研究中心主任關焯照博士，以及資深財經新聞節目主持林小珍擔任主持，每周邀請各行各業不同嘉賓，論盡大大小小的香港事。
2019.08.31 實施《緊急法》止暴制亂？陳淑莊分析這道香港催命符【關你乜事？】 反送中運動如何走下去？陳淑莊分析年青人是否要重整策略轉戰區選。8.31遊行不獲發不反對通知書, 加上8.30大搜捕，看來政府决定加大力度打擊反送中運動。究竟現時年青人是否需要重整策略，將精力轉至11月的區選，這可能更有效地延續反送中運動。今集【關你乜事？】嘉賓陳淑莊會為大家分析現時的局勢。
2019.08.31 反送中運動如何走下去？陳淑莊分析年青人是否要重整策略轉戰區選【關你乜事？】實施《緊急法》止暴制亂？陳淑莊分析這道香港催命符。政壇吹風，特區政府將實施《緊急法》止暴制亂，究竟林鄭乜野葫蘆賣乜野藥呢？今集關sir請來立法會議員陳淑莊為我們拆局。當然關sir也會分析《緊急法》為香港帶來的影响，大家睇完後便知道《緊急法》原來有甘大的殺傷力。
2019.08.07 林鄭自導自演反送中，劇情卻越來越糟糕梁家傑：擁有公權力的人可以這樣害我們。林鄭的記招讓我想起李鵬。明明係五大訴求，佢講到你係搞革命。罪𣁽： 林鄭；禍手：777；害人害物害人精。「換咗佢罷就，唔好俾佢獻世，俾香港一個機會。」嘉賓：公民黨主席梁家傑
2019.07.20 港鐵又加價，可加不可減機制7月港鐵又加價啦！自從兩鐵合拼、成立可加可減機制以來，港鐵其實一次都冇減過價，「 可加可減機制 」似乎「 可加不可減 」。先不講減價紓解民困，有留意嘅朋友都應該知道其實港鐵根本就係地產商，年年都賺錢！咁點解個機制仲會容許港鐵加價？ 關sir 今日就嚟同大家解剖一下「 可加可減機價 」所謂何事！
2019.07.02 華為鬆綁？解讀特朗普動機和背後含意習特會的最意外結果是特朗普容許美國公司可以繼續向華為出售零部件，這是否代表華為已被華府鬆綁呢？要明白這次鬆綁的動機和背後含意，關Sir邀請了資深科技管理人員劉民輝(Chris Lau)來為大家詳細解釋。
此外美國總統特朗普對華為減少打壓，他究竟有什麼盤算呢？最後，華為事件有轉機，對5G發展和環球科技股市場又產生何等影響？今集涉及不少讀者希望了解的議題，大家千祈唔好錯過。
2019.07.01 如何考入外國名牌大學？DSE 放榜 ，不在香港升學，可以考慮考外國大學。今日 關sir 搵來港大講師 阮穎嫻 同我哋傾吓係佢哋當初點樣出去外國讀大學嘅。阮小姐的 master degree 在牛津完成，係 oxbridge 嘅一份子，由佢嚟親身說法更具說服力。想往外國 升學 嘅朋友就唔好錯過今集啦。嘉賓：香港大學經濟及工商管理學院助理講師 阮穎嫻
2019.06.20 梁家傑請「五無」特首做番件好事隨著616二百萬＋1人大遊行後，年青一族在網上向特區政府提出5項要求，包括：（1）撤回修例，（2）收回612「暴動」定義，（3）撤銷示威者控罪，（4) 追究濫權警員和 (5) 林鄭月娥下台 。無奈， 林鄭似乎借了聾耳陳隻耳，沒有回應以上要求 。在今集的【關你乜事？】，公民黨主席梁家傑教「五無」特首林鄭如何拆招降溫，同時為大家上一堂公民課，解釋法律上「暴動」的定義。嘉賓：公民黨主席、資深大律師梁家傑
2019.06.19 林鄭「真誠道歉」- 梁家傑點解唔收貨？修訂《逃犯條例》為社會掀起軒然風波，亦傷害外國投資者對香港作為金融中心的信心。經過香港6.16的200萬＋1人大遊行後，特首林鄭月娥終於在周二（18日）向全港市民「真誠道歉」。
然而，輿論普遍認為林鄭死性不改，仍未有展現悔意。今集《關你乜事？》節目，關焯照博士請來公民黨主席梁家傑資深大律師來評論林鄭「真誠道歉」的表現。這集討論肯定精彩，大家千祈唔好錯過。嘉賓：公民黨主席、資深大律師梁家傑
2019.06.05 女子冰棍球港隊代表 - MVP 周雅詩的追夢故事近年，運動界精英輩出，例子包括單車手李慧詩、桌球手傅家俊、保齡球手胡兆康等等。
然而，不少年輕人在缺乏家人和政府的財政支持，仍然在運動界默默耕耘和努力追夢，為香港爭光。今集的【關你乜事？】為大家介紹一位年輕運動員── 周雅詩 （Sumi）的追夢故事。Sumi 是香港女子冰棍球（ice hockey）港隊代表，曾是球隊中最年輕球員。她過去幾年出外比賽，曾多次在賽事獲得最有價值球員獎 MVP （Most Valued Player）。究竟這位青年人為甚麼醉心於冰棍球這項冷門運動?她對運動員生涯又有何看法？如果大家想了解年輕人的心態和香港政府在培養年輕運動員政策的問題，就唔好錯過這集的訪問啦！嘉賓：香港女子冰棍球隊守門員 周雅詩
2019.05.27 中美科技戰唔知幾時完，劉民輝教你如何在逆流下選擇科技股 ？從現時環球科技股的跌浪來看，這場 科技戰 真係唔知幾時完 。如果係股市投資者 ，又應該怎樣在這個科技股逆流下選擇科技股呢？今集資深科技管理人、冠域商業及經濟研究中心榮譽高級研究員 劉民輝 會為大家詳細分析，更提供幾隻心水技科股給大家。
2019.05.25 美帝全面封殺華為的真正原因是乜嘢？究竟最後誰會勝出這場科技戰 ？美國 總統 特朗普 簽署禁令, 全面 制裁 華為 。在禁令下，停止與華為合作的公司包括 谷歌 , 微軟 , 英國 ARM , 日本 Toshiba , JEDEC , SD 協會 等等。 究竟 華為 有冇辦法在這種龐大壓力下仍然能夠生存呢？
此外，中美貿易戰 已提升至全面 科技戰 ， 這會否影響全球的 5G 發展呢？今次我哋找來資深 科技 管理人、冠域商業及經濟研究中心榮譽高級研究員劉民輝來解釋畀大家聽。
2019.05.19 婚外情 - 唔係咁簡單！出軌 - 經濟學教你點睇！安心偷食 鬧得全城熱哄哄， 藝人 姚子羚 近日又被爆 小三 床照 ......最近一項訪問本地六百名男女 愛情觀 的調查發現， 婚外情 、出軌 行為在香港頗為普遍。今集 關sir 比較這份本地調查與同類形的外國研究有何相似之處。
另外， 關sir 會利用 經濟觀點來解釋男女的偷食行為。原來 出軌 、 婚外情 的行為唔係咁簡單。
2019.05.13 中美貿易戰 ：特朗普步步進逼，習近平救唔救到中國 ？中美貿易戰急速升溫，美國決定在美國時間上周五凌晨對2000億美元中國進口貨品增加關稅至25%，其後美國總統特朗普更揚言將向餘下超過三千億美元中國進口貨品徵收稅。
然而，中國並沒有退讓，宣佈在今年6月1日開始，對600億美元美國進口貨品徵收最多25%關稅，顯示中國政府在這階段準備與美國周旋到底。究竟誰會最終勝出這場貿易戰？或者是兩敗俱傷？聽聽經濟學者關sir如何分析這場世紀貿易戰。
2019.05.10 贏在起跑線 ，反而輸成世？為乜要追求高學歷、名牌學府？經常有人話想小朋友成功，就要「 贏在起跑線 」，甚至「 贏在射精前 」？但有研究發現根本不是這回事！再者，起跑後終點係邊？係咪一定要入 名牌學府 、讀個博士先叫成功？關sir今次講解吓點科學啲去理解教育，點樣先可以「贏在起跑線」，以至個終點要擺係邊。
2019.04.27 政客咀咒他人，可以無代價？佔中案判刑當日，陳淑莊嘅代表律師向法官呈上腦部磁力共振掃描，左腦有個體積大過一個乒乓波嘅腦膜瘤，壓住部份腦血管同神經，要盡快進行手術切除腫瘤，因此希望法庭批准押後判刑6星期，並批准她保釋接受手術。民建聯漁農界議員何俊賢立即狙擊，指「一到找數，個個都身患絕症。你玩晒啦～～～」。老老實實，如果做人可以好似何生咁冇良心，又真係「玩晒啦～～～」。
2019.04.19 安心偷食有乜啓示？你會唔會俾錢睇新聞？出軌為咗力爭上游？蘋果加入 paywall 功能，現在只需註册不用俾錢，為將來行收費制鋪路。一個「安心偷食」事件，令到註册人數突破二百萬，你又註册咗未？嘉賓 : 恆生大學傳播學院教授 李少南博士
2019.04.18 安心偷食關你乜事？前日《蘋果日報》午飯時間投下新聞大炸彈，一段影片顯示許志安與黃心穎喺車廂偷情，學大陸用語講一句：「真係震驚700萬人呀！」我哋每集都同大家講吓時事「關你乜事」，但呢單咁爆嘅新聞，除咗當事人之外，根本同大家一啲關係都冇！今日我哋嚟個矛盾大對決，由一件「唔關你事嘅事」去睇吓佢「關你乜事」！嘉賓 : 恆生大學傳播學院教授李少南博士
2019.04.17 淺談種族歧視和公關手段正所謂，「宇宙最強間中都會受傷」！早前甄子丹出席 美國愛滋病研究基金慈善晚宴受到不公對待，認為對方招待人員種族歧視中國人。請巨星嚟食飯，究竟點解會出現啲咁嘅公關災難？今日我哋嚟傾閒計，其實公關真係唔易做架！
2019.04.15 樓市又升，究竟係鬱金香定係臨尾香？日前有評論指樓市將會回升，並有機會升3成，究竟真定假？係咪入市時機？其實歷史總是重複，今次同大家講吓人類炒賣投機嘅歷史，以古鑑今！
2019.04.03 梁家傑 ：《 逃犯條例 》與香港的國際關係林鄭政府修訂《逃犯條例》引起各方爭議。市民上街反對，喺內地做生意嘅港商人人自危，大律師公會亦形容修例係國際刑事司法合作嘅一大倒退。修訂《逃犯條例》究竟對香港有幾大影響？梁家傑今日繼續嚟同我哋討論，修訂《逃犯條例》係咪百害而無一利呢？嘉賓：資深大律師、公民黨主席 梁家傑
2019.04.02 梁家傑 ：《 逃犯條例 》小講解港男涉台灣殺港女後潛逃回港，林鄭政府借口提出修訂逃犯條例，但呢次修訂其實最重要係送疑犯返中國，名符其實「送中條例」。修訂只經歷草草二十日諮詢，周三（3日）送就要提上立法會一讀及二讀。對呢條極具爭議嘅條例修訂，關唔關你事？你又知幾多？我哋搵來資深大律師梁家傑為你講解。嘉賓：資深大律師、公民黨主席梁家傑
2019.04.02 孳息倒掛，你識唔識？孳息曲線，英文叫 Yield Curve。曲線縱軸代表收益率，橫軸代表到期期限；如果年期較短的收益率比長期的還要高的時候，曲線斜率就會變成負債，這個狀態俗稱倒掛，是經濟衰退的指標。近日，美債孳息曲線出現倒掛，是否即是經濟衰退將至？關sir今日就嚟同大家講解，呢啲分柝真係充斥太多謬誤，其實唔係咁簡單嘅！
2019.03.29 政府最新估計「明日大嶼」斥資六千多億，條數點計架？自從特首林鄭月娥在施政報告提出「明日大嶼」願景，惹來極大爭議。近日，發展局公布「明日大嶼」交椅洲1千公頃人工島及其他相關的填海和交通基建估算工程造價，約為6240億元。究竟呢條數點嚟？準唔準確？關Sir就十分之唔認同啦。
2019.03.26 5G大戰點解美國要打擊華為？一提5G嘅新聞，多半都係講緊華為。美國政府近日接連打擊華為，「五眼聯盟」一致視華為為安全威脅，並向加拿大警方請求司法互助，拘捕華為副董事長兼財務長孟晚舟。撇除政治與國家安全，美國其實喺科技及商業上都有打擊華為嘅動機。我哋等科技專家劉民輝嚟同大家解釋點解。嘉賓：資深科技管理人員劉民輝
2019.03.18 Out-Takes：地鐵嘅電話訊號點嚟？同4G / 5G有冇關係？《關你乜事》搵嚟資深科技高管劉民輝嚟同我哋講解5G，但有咁嘅機會梗係順便搵佢解答吓一啲我哋對電訊科技嘅迷思啦。以前地鐵係收唔到電話嘅，但現在睇戲打機都得，點解嘅呢？係因為4G/5G勁咗，還是有其他因素呢？
2019.03.18 Out-Takes：點解5G對無人駕駛咁重要？《關你乜事》搵嚟資深科技高管劉民輝嚟同我哋講解5G，但有咁嘅機會梗係順便搵佢解答吓一啲我哋對電訊科技嘅迷思啦。5G經常在無人駕駛（自動駕駛）嘅對話中被提及，可見5G對無人駕駛嘅技術開發非常重要。但具體地，5G對無人駛駛技術有咩貢獻呢？
2019.03.18 究竟咩係 5G 技術 ？我哋搵專家話你知！5G 呢個話題最近好hot，已經不只是科技或金融嘅新聞，更是時事、政治新聞。但呢個大家不斷討論嘅 5G 技術 究竟係咩嚟？有人甚至話得 5G 得天下，有冇咁誇張呢？我哋搵嚟科技專家劉民輝嚟同大家講解吓。
2019.03.11 政府用200億元買物業，又搵金融四大天王搞基金，究竟想搞乜？政府將用200億元買60個物業來增加社福設施。用公帑買私人物業是否一定被人劏？「未來基金」搵嚟金融界四大天王坐陣，是否就可以投資未來？今日港大經濟及工商管理學院老師阮穎嫻同我哋一齊嚟分析一下呢份財政預算案搞邊科。嘉賓：香港大學經濟及工商管理學院助理講師阮穎嫻
2019.03.07 財政預算案個波交咗去邊？「投資未來」有冇回報？財爺陳茂波上周三公佈新一份財政預算案，評價不太好。波叔拍片「推銷」預算案，叫市民將個波交畀佢，但就唔知佢再將個波交咗去邊。政府預測明年經濟會變壞，但又唔派糖去幫市民渡過難關，究竟係乜嘢玩法？所謂「投資未來」，有冇回報可言？今日我哋唔單止有經濟學博士關焯照，仲搵埋港大經濟及工商管理學院老師阮穎嫻一齊嚟分析一下呢份財政預算案。嘉賓：香港大學經濟及工商管理學院助理講師阮穎嫻
2019.02.26 粉嶺高球場全部收回尚未成功，同志仍需努力！政府本來無視土地供應專責小組的諮詢工作，未等報告完成，就率先推出1700公頃明日大嶼願景填海計劃，引來社會全方位反彈。但唔夠幾個月，上星期又宣佈「全盤接納」專責小組報告，彈出又彈入，究竟所謂何事呢？專責小組提供八個選項中有一項是收回部份粉嶺高爾夫球場，其實幾年前已有人提出，包括我哋主持關Sir，今日終於收番五分一個球場，梗係要攞返出嚟講，慶祝吓啦。
不過，關Sir話，而家只係收回一部分，唔係全部，革命尚未成功，大家仍需努力爭取。關焯照2013年撰文：高球場作土儲 東北發展續去馬 https://paper.hket.com/article/116461/
2019.02.21 樓價會否再創新低？定係話口未完就做燈神？上星期關Sir寫咗篇專欄指樓市已經觸底，點知中原指數再創新低，即時入隊做燈神。究竟關Sir係咪真係燈咗？今日等佢自己同大家分析吓2019樓市走向。
2019.02.19 內地旅客逼爆香港，不如… 收遊客稅？香港旅遊及零售業依賴大陸遊客，但大量嘅遊客卻非常擾民。今日我哋嚟分析大陸遊客，究竟呢個困局有冇得破呢？學外國收遊客稅有冇得諗？
2019.02.17 香港究竟需要幾多物理治療師？人口老化已令香港的公共醫療系統出現超出負荷的問題，長者對物理治療的需求也越來越大；香港人口接近750萬人，但現時物理治療師只有3千多個，有報告稱短缺多達千人。其實香港到底需要增加多少物理治療師才足夠應付需求呢？今集請來物理治療師兼大學講師魏志榮，同大家分享物理治療師的工作；主持關焯照博士更現身說法，以自己的例子透視現代人對物理治療的需求。
2019.02.15 年紀大機器壞，跌親扭傷要睇物理治療定跌打？香港人口急速老化，預計在20至30年後，65歲或以上的年齡組群人數佔總人口達1/3。年紀大機器壞，老人家身體出毛病。今次請來物理治療師兼大學講師魏志榮先生，同大家講解一下物理治療在幫助長者方面的效用。
2019.01.28 提高長者綜援門檻是不是有效施政？特區政府以為將長者綜援的申請年齡門檻由60歲延後至65歲，就可驅使更多60-64歲的長者進入勞動市場，但向弱勢社群開刀的代價得不償失。本集《關你乜事》， 經濟學者關焯照博士分析有更好的方法釋放長者的勞動力，但蠢政府就硬要拿石頭砸自己的腳。
2019.01.25 人均壽命120，所以60歲都不過係中年，唔夠資格攞長者綜援？政府下月將申領長者綜援門檻由60歲上調至65歲，以釋放更多勞動力云云。勞福局局長羅致光更妄言如果人均壽命高達120歲，60歲不過係中年。此舉引起很多市民、跨黨派政黨和民間團體不滿。最終政府宣佈「補鑊」措施,，向所有60至64歲的「健全綜援受助人」提供每月1060元的「就業支援補助金」，令新方案和舊方案「睇齊」。收緊長者綜援政策有很多地方令人費解。今日就聽吓關焯照博士拆解，點解做過社會福利署署長的特首林鄭，同IQ160的勞福局局長羅致光，會搞出個大頭佛。
2018.12.20 2019有咩投資策劃？是否依然 Cash is King？關sir睇淡明年經濟，經濟衰退要如何投資呢？是否揸 Cash 最好？今年關你乜事最後一集，繼續同大家討論，並且做一個總結。
2018.12.19 美息倒掛係咩意思？投資者有乜要注意？嚟到年尾，我哋同大家講吓明年嘅投資策略。中美貿易戰無可避免會係2019繼續開打，最近市場熱烈討論美息倒掛，其實什麼是倒掛呢？一旦美國經濟唔掂，環球經濟可以變成點？
2018.12.16 今天談的是關乎養生的事.....從中醫的角度，可以點樣保持青春常駐？香港人養生保健其實最需要啲乜？
2018.12.11 在香港做中醫有冇希望？《關你乜事？》今天談談在香港做中醫有冇希望？回歸超過20年，香港的中醫地位（相當西醫來）有沒有提升，中西醫有冇得合作？第一間中醫院即將落成，但公立醫院又沒有設立中醫部，點解呢？
2018.12.06 點解政府咁反對全民退保呢？今日依然有黃洪博士繼續同我哋傾計，由佢嚟講吓佢對「點解政府咁反對全民退保」嘅見解。退後一步講，香港人口老化問題顯而易見，黃博士又認為政府應該如何去面對呢啲問題呢？
2018.12.04 政府扶貧政策未做好就想邀功？政府上上週公佈嘅「2017年香港貧窮情況報告」受到各方批評，其中就包括中文大學社工系副教授黃洪博士。今日我哋搵嚟黃洪博士現身說法，講吓佢對呢份報告嘅意見，以及佢對港府嘅扶貧政策嘅一些觀點。
2018.11.29 點解扶貧政策越夫越貧今日繼續搵嚟社會服務聯會(社聯)業務總監黄健偉，同大家傾吓扶貧政策嘅問題。究竟扶貧政策嘅制定有乜難處呢？
2018.11.27 香港政府帶頭製造貧窮？政府於上周公佈「2017年香港貧窮情況報告」，旋即引來大量批評。例如，中大社會工作學系副教授黄洪批評政府帶頭製造在職貧窮；教育大學亞洲及政策研究系周基利教授認為本港的長者及兒童貧窮問題嚴重。我哋今日搵嚟嚟社會服務聯會(社聯)業務總監黄健偉同我哋傾吓。
2018.11.22 香港私立大學應該如何發展？恒生管理學院升格為大學，校長仲公開講不要追求排名？我哋搵嚟恒生大學傳播學院碩士課程主任李少南教授，講解下恒大嘅發展方向。
2018.11.20 香港地私立大學真係有得搞？「A工廠」恒生商學書院 2012年轉形為恒生管理學院，今年終於升格為大學。我哋搵嚟恒生大學傳播學院碩士課程主任李少南教授，討論一下自資私立大學的發展空間和在高等教育所扮演的角色。
2018.11.15 社企軍師紀治興教你社創搞社企紀治興49歲離開 HP惠普，由企業副總裁變成退休人仕，點知佢依然忙過你同我，幫人搞社企搞到響哂朵人稱「社企軍師」。今日紀生繼續講解吓香港點樣搞社企，有啲咩成功例子！
2018.11.13 社企軍師紀治興教你玩轉人生下半場我們知道紀治興生在49歲便退休，當時已是HP惠普副總裁及香港公司董事經理，為什麼會放棄一份高薪厚職嘅工作，然後選擇開始社企生涯呢。今日紀生就嚟同大家講吓點安排退休，再玩轉人生下半場！
2018.11.08 中電總裁蔣東強談企業的社會責任企業係搵錢嘅同時，亦必需為社會肩負責任。今集繼續有中電總裁做我哋嘅嘉賓，同大家講解一下中電幾個扶助貧弱嘅 project 。
2018.11.06 中電總裁蔣東強談智慧城市發展每個月都要交電費嘅你，知唔知中電除咗供電之外仲有乜搞作呢？今日中電總裁蔣東強同大家講解下中電係生產電力上用到嘅新科技，以及佢對發展智慧城市嘅見解。
2018.11.01 海外買樓係咩玩法海外樓價較香港低，因此上車門檻亦較香港低。如果香港樓唔關你事，咁海外樓可能關你事喎！
2018.10.30 好關你事嘅樓價今日同你講吓好關你事嘅樓價
2018.10.26 周永新教授談扶貧政策今日周永新教授同大家講解吓香港扶貧政策搞邊科，仲教精大家如何安排入住老人院。
2018.10.23 社工之父周永新評施政報告今天請來香港大學社會工作及社會行政學系榮休教授 周永新，同大家傾吓你關心的事。
2018.10.16 明日大嶼變明日水魚？港鐵又出事？「明日大嶼」變「明日水魚」？今日同大家講吓呢兩件最切身大事。
2018.10.12 EP8.2 大冧市如何做投資？《關你乜事?》今日加碼，同大家講吓全球股市大跌，後市點睇？聽吓經濟學者、冠域商業及經濟研究中心主任關焯照點分析。
2018.10.12 EP8.1 股災殺到？環球股災，係咪殺到香港？今日《關你乜事》加碼，同觀眾分析一下。
2018.10.11 中美貿易戰對香港有乜影響今日繼續同大家傾下中美貿易戰對香港有乜影響？
2018.10.09 中美貿易戰變新冷戰？中美關係點解惡劣成咁？有乜計化解目前困局？香港會唔會出現經濟衰退?
2018.10.04 樓市政策該以置業為主軸嗎？今日繼續同大家講土地問題，樓市政策該以置業為主軸嗎？
2018.10.02 土地大辯論，善用土地資源今日講乜？土地資源有冇善用？ 香港較新加坡宜居？收回粉嶺高球場定填海?
2018.09.26 難忘高錕，有關大學的各種難題三位中大人，同你講吓最熱門的時事話題。
2018.09.18 外匯儲備入股「一帶一路」關你乜事？講時事，就關你事。外匯儲備入股「一帶一路」。
2018.09.11 傳媒前景，金融危機，高鐵經濟效益關你乜事？講時事，就關你事。傳媒前景，金融危機，高鐵經濟效益。